Partner ABW

Shoqata e Grave Sipërmarrëse – Maqedoni është një partner specifik dhe kompetent në dialogun me qeverinë, OJQ-të dhe sektorin privat, që kontribuon në zhvillimin socio-ekonomik, me një theks të veçantë në sipërmarrjen e grave si një faktor rritjeje ekonomike. Shoqata luan një rol udhëheqës në organizimin e dialogut dhe bashkëpunimit midis grave sipërmarrëse në mënyrë që të mbështesë dhe promovojë gratë sipërmarrëse në Maqedoni dhe në rajon.                           

Shoqata e Grave Sipërmarrëse- Maqedoni u themelua zyrtarisht në korrik të vitit 2010 si një OJQ që punon për të promovuar dhe përforcuar sipërmarrjen e grave në vend dhe në rajon. Sipërmarrja e grave si një degë e veçantë për zhvillimin ekonomik në sektorin privat, si dhe në institucionet shtetërore dhe shoqatat, nuk është identifikuar qartë.  

Për shumë kohë dhe nëpërmjet shumë veprimtarive, Shoqata kontribuon që të njihet sipërmarrja te gratë si një entitet i veçantë për të përforcuar ekonominë në vend. Si rezultat përfundimtar i njohjes dhe promovimit të veprimtarive të shoqatës sonë, strategjia për sipërmarrjen e grave në Republikën e Maqedonisë së Veriut është në fazën e zhvillimit në bashkëpunim me Ministrinë e Ekonomisë.

Shoqata punon për të përmirësuar kushtet për gratë në biznes dhe nëpërmjet kësaj bëhet një entitet i njohur dhe tani ka më shumë se 200 anëtarë, gra aktive në sipërmarrje.